Nostoc calcicola K-1
Cyanophyta › Cyanophyceae › Nostocales › Nostocaceae › Nostoc
Сипаттамасы
Қабылдау және бөліп алу тарихы
- Шыққан елі: Қазақстан Республикасы
- Оқшаулау орны: Алматы облысы.
- Тіршілік ету ортасы: топырақ
- Бөліп алғандар: Заядан Б.К., Садвакасова А.К., Әл-Фараби атындағы ҚазҰУ-дың биотехнология зертханасында.
- Коллекцияға түскен жылы: 2014
- Бөліп алу әдісі: табиғи үлгінің жинақтау әдісімен алынған дақылды микробиологиялық әдіспен біртіндеп себу арқылы бөліп алынды.
- Генетикалық ерекшеліктері: Табиғи түр
- Штаммның жағдайы: аксенді
Морфологиясы мен құрылымы
цианобактерия; тығыз өрілген трихомалары, домалақ не созылған пішінді колониялар түзеді. Трихомалардың диаметрі 2,5–5,0 мкм, түсі көкшіл-жасыл, тар түссіз қабықшалармен қоршалған. Гетероцисталар (дифференцияланған жасушалар) домалақ, диаметрі шамамен 4–6 мкм. Колониялардың мөлшері 20–200 мкм аралығында өзгереді.
Өсіру жағдайлары
- қоректік орта: Громова №6 ортасы (сұйық және агарланған)
- Температура: 26–28 °C
- Жарықтандыру қарқындылығы: 50–150 мкмоль фотондар/м²/с
- Фотопериод: 16:8 сағ (жарық/қараңғылық)
- pH: 6,5–7,0
Физиологиялық ерекшеліктері
Мезофил, автотроф, азотфиксатор.
Ұзақ мерзімді сақтау шарттары
Сұйық және 1,5–2,0% агарланған Громова №6 минералды ортасында сақталады. Сақтау температурасы 10–12 °C, жарықтандыру қарқындылығы 10–20 мкмоль фотондар/м²/с, фотопериод 12:12 сағ (жарық/қараңғылық). Дақылды ауыстырып отыру қажеттілігіне қарай, бірақ 2–4 айда бір реттен сиретпей жүргізіледі.
Депонирлеуге қатысты ақпарат
2015 жылы Қазақстан Республикасының «Республикалық микроорганизмдер коллекциясына» депонирленген. Тіркеу нөмірі: A-RKM 0678
Қолданылу аясы
іргелі ғылыми зерттеулерде және биотехнология саласында қолданылады. Өнімділік бойынша ескерту: құрғақ биомасса мөлшері 2,0–2,5 г/л жетеді. Оның құрамы: ақуыздар – 25–30 %, көмірсулар – 48–56 %.